Spurt og svarað um Blæ

Félagsfólk VR getur skráð sig á biðlista Blævar á Mínum síðum.

Til þess að umsókn um pláss á biðlista sé gild, þarf að skila inn upplýsingum um nafn, kennitölu, símanúmer, o.s.frv. og greiða árgjald Blævar.

Athugið að skráning á biðlista er aðeins fyrir VR félaga sem eru 18 ára eða eldri. Til þess að fá úthlutaða íbúð þarf jafnframt að uppfylla frekari skilyrði (sjá hér).

Árgjald Blævar er 2.900 krónur sem þarf að greiða við nýskráningu á biðlista. Félagsfólk VR sem er á biðlista fær síðan kröfu fyrir sömu upphæð senda í heimabankann 12 mánuðum frá nýskráningu sem þarf að greiða til þess að viðhalda stöðu sinni á listanum fyrir næsta ár.

Nei. Vilji félagi ekki lengur vera á biðlista Blævar þarf hann einfaldlega að sleppa því að greiða árgjald félagsins þegar kemur næst að því að endurnýja aðildina. Félagsfólk sem greiðir ekki árgjald Blævar á 12 mánaða fresti dettur sjálfkrafa út af listanum.

Almennt séð mun sú regla gilda að félagar sem skrá sig á biðlista Blævar fá númer í þeirri röð sem umsóknir berast. Hins vegar verður undantekning frá þessu fyrirkomulagi í upphafi en þeir félagar sem forskrá sig á biðlistann á tímabilinu 16. apríl 2024 – 16. júní 2024 verður raðað á listann í handahófskenndri röð. Því skiptir ekki máli hvenær á þessu tveggja mánaða tímabili fólk skráir sig. Þetta er gert til að gæta jafnræðis og tryggja að fólk hafi tíma til að kynna sér starfsemi Blævar í upphafi verkefnisins.

Eftir að forskráningu lýkur verður umsækjendum raðað aftast á listann í þeirri röð sem umsóknir berast.

Þegar íbúðir losna hjá Blæ verða þær auglýstar á vef félagsins og í tölvupósti til allra sem eru á biðlista. Hægt verður að skoða helstu upplýsingar um þær íbúðir sem eru lausar og sækja um úthlutun fyrir tiltekinn tíma. Í kjölfarið verður unnið úr umsóknum fyrir hverja íbúð.

Þeir félagar sem uppfylla öll skilyrði úthlutunar og eru með lægsta númerið á biðlistanum fá úthlutaðri íbúð og hafa þá sjö daga til að greiða staðfestingargjald.

Til þess að fá eiga rétt á úthlutun á íbúð þurfa umsækjendur að uppfylla eftirfarandi skilyrði:

• Umsækjandi skal hafa náð 21 árs aldri.
• Umsækjandi skal hafa verið fullgildur VR félagi í a.m.k. 24 mánuði, litið til síðustu 36 mánaða, við úthlutun.
• Umsækjandi má ekki hafa átt fasteign s.l. fimm ár við úthlutun.
• Umsækjandi skal hafa skráð upplýsingar með réttum hætti og staðið í skilum við Blæ á greiðslu árgjalds.
• Fjölskyldustærð umsækjanda skal samræmast stærð íbúðar sem sótt er um.

Athugið að umsækjendur þurfa að uppfylla ofangreind skilyrði til þess að fá úthlutaðri íbúð en geta þó skráð sig á biðlista fyrr. Þannig er t.d. hægt að skrá sig á biðlista 18 ára með það í huga að sækja um íbúð 21. árs.

Það er á ábyrgð umsækjanda að kynna sér úthlutunarreglur Blævar vel áður en sótt er um númer á biðlista.

Nei. Það eru engin skilyrði um tekjumörk og því getur félagsfólk VR sótt um íbúðir Blævar óháð því hvað það er með í mánaðarlaun. Hins vegar mega umsækjendur um íbúðir ekki hafa átt fasteign s.l. fimm ár.

Leiguverð íbúða liggur ekki fyrir sem stendur en þær upplýsingar verða birtar áður en auglýst er eftir umsóknum um íbúðir.

Sé umsókn um íbúð samþykkt þarf að greiða staðfestingargjald innan sjö daga til að staðfesta úthlutun. Staðfestingargjald er 50.000 krónur og rennur upp í leigutryggingu sem er ígildi þriggja mánaða leigu.

Félagsfólk á biðlista getur aðeins fengið íbúðir í samræmi við fjölskyldustærð, samkvæmt þeim viðmiðum sem koma fram í eftirfarandi töflu:

Hægt er að kynna sér viðmið um fjölskyldustærð nánar í úthlutunarreglum Blævar.

Nokkrar atriði sem hafa ber í huga:

• Umsækjandi sem á von á barni getur sótt um stærri íbúð í samræmi við væntanlega fjölskyldustærð að fengnu þungunarvottorði.
• Gert er ráð fyrir að tveir einstaklingar séu að hámarki í hverju svefnherbergi. Undantekning er þó gerð fyrir börn á leikskólaaldri.
• Ekki er hægt að sækja um stærri íbúðir vegna barna sem eru eldri en 20 ára. Undantekning er gerð fyrir uppkomin börn sem þarfnast umönnunar vegna veikinda eða andlegrar/líkamlegrar fötlunar.
• Foreldri með sameiginlegt forræði barns/barna þar sem lögheimili barns/barna er skráð hjá hinu foreldrinu getur sótt um að fá úthlutaða fjölskylduíbúð.

Nei. Sæki félagi um úthlutun á íbúð en hættir við og sleppur því að greiða staðfestingargjald heldur viðkomandi stöðu sinni á biðlista. Eins er hægt að halda stöðu sinni á biðlista án þess að sækja um úthlutun, sé það t.d. vilji viðkomanda að greiða árgjald til Blævar til þess að eiga möguleika á úthlutun síðar.

Nei. Það er ekki hægt að framselja númeri á biðlista eða skrá sig á biðlista fyrir hönd einhvers annars.

Reglur um gæludýrahald verður í höndum húsfélaga. Til þess að leyfa gæludýrahald verður að fá samþykki 2/3 íbúða í sama stigagangi.

Nei, framleiga verður óheimil. Leigjendur munu geta sótt um undanþágu frá þessari reglu til sérstakrar nefndar innan Blævar, t.d. vegna tímabundinnar dvalar erlendis.

Já. Úthlutunarreglur Blævar kveða á um sérstakan flutningslista sem er biðlisti fyrir þá félaga sem búa nú þegar í íbúð á vegum Blævar en vilja skipta um íbúð. Hægt verður að skrá sig á flutningslista þegar viðkomandi hefur búið í tvö ár í sinni íbúð. Til þess að fá úthlutaðri nýrri íbúð verður viðkomandi að uppfylla öll skilyrði úthlutunar.

Nei. Til þess að fá úthlutaðri íbúð verða umsækjendur að hafa verið fullgildir VR félagar í a.m.k. 24 mánuði en ef leigjandi skiptir um stéttarfélag eftir að flutt er inn hefur það engin áhrif á möguleika hans til áframhaldandi leigu. Hins vegar þurfa þeir sem sækja um að flytja á milli íbúða innan Blævar að uppfylla öll almenn skilyrði úthlutunar.

Úthlutunarreglur Blævar kveða á um að umsækjandi geti ekki fengið úthlutaða íbúð ef viðkomandi hefur átt fasteign sl. fimm ár. Eignist viðkomandi fasteign eftir að hann flytur inn í íbúð Blævar ber honum að tilkynna það til félagsins sem hefur þá heimild til þess að rifta leigusamningi.

Það verða alls 36 íbúðir í þessum fyrstu tveimur fjölbýlishúsum Blævar sem eru staðsett í Úlfarsárdal í Reykjavík. Íbúðirnar eru í mismunandi stærðum, allt frá stúdíóíbúðum og yfir í stórar fjölskylduíbúðir með fjórum svefnherbergjum. Hægt verður að skoða teikningar af íbúðunum og fá nánari upplýsingar um þær þegar opnað verður fyrir umsóknir um úthlutun íbúða í júlí 2024.

Það er áhugi fyrir því að byggja fleiri íbúðir á vegum Blævar og félagið hefur verið að skoða mögulegar lóðir. Hins vegar liggur ekkert nákvæmlega fyrir í þeim efnum að svo stöddu.