Almennar fréttir

Flokkar

Alþjóðlegur baráttudagur verkalýðsins – Vertu með!

Almennar fréttir

24.04.2018

VR hvetur alla félagsmenn til þess að fjölmenna í kröfugöngur og á útifundi sem verða haldnir í tilefni af alþjóðlegum baráttudegi verkalýðsins þann 1. maí næstkomandi.

Nýtt samkomulag um stjórnkerfi lífeyrissjóða

Almennar fréttir

24.04.2018

VR og ASÍ hafa undirritað ný samkomulög við samtök vinnuveitenda um stjórnkerfi lífeyrissjóða. Breytingar sem nú verða eru svipaðar og þær sem VR hafði frumkvæði að með nýju fyrirkomulagi kosninga og opnara ferli við val í stjórn Lífeyrissjóðs verzlunarmanna í ársbyrjun 2016. Auglýst verður eftir hæfum einstaklingum í stjórnir lífeyrissjóða. Ársfundir fara með æðsta vald sjóða.

Minnum á launahækkunina 2018

Almennar fréttir

23.04.2018

Samkvæmt kjarasamningum VR hækka laun og kauptaxtar um 3% frá og með 1. maí 2018. Athugið að launahækkunin tekur til launa fyrir maímánuð og kemur því til útborgunar hjá flestum félagsmönnum þann 1. júní næstkomandi.

Toppi hagsveiflunnar náð

Almennar fréttir

13.04.2018

Ýmislegt bendir til þess að þensluskeiði íslensks efnahagslífs undanfarin ár sé nú lokið. Hlutfall starfandi hefur lækkað stöðugt frá því í apríl á síðasta ári og atvinnuleysi hefur aukist lítillega. Hægt hefur á hagvexti sem var 1,5% á 4. ársfjórðungi 2017 sem er umtalsvert minna en ársfjórðungana á undan. Og þá má einnig bæta við að dregið hefur úr hækkunum húsnæðisverðs, sem þó eru ennþá umtalsverðar. Um þetta má lesa í nýjasta Efnhagsyfirliti VR sem nú er komið út.

Breyttur skilatími umsókna

Almennar fréttir

13.04.2018

Félagsmenn vinsamlega athugið að vegna sumardagsins fyrsta þarf að skila umsóknum um styrk úr VR varasjóði og starfsmenntasjóðum í síðasta lagi þriðjudaginn 17. apríl til að greiðsla geti borist daginn eftir. Greitt verður út miðvikudaginn 18. apríl í stað föstudags.

Fyrirlestur um karlmenn og #metoo byltinguna

Almennar fréttir

09.04.2018

Næsti fyrirlestur fyrir félagsmenn VR fer fram 12. apríl nk. kl.12:00. í sal VR á 0.hæð í Húsi verslunarinnar. Gestur Pálmason, stjórnendaþjálfari, fjallar um #metoo byltinguna og talar út frá sjónarhorni karlmanna sem að vilja axla ábyrgð og vinna gegn kynbundnu ofbeldi. Í fyrirlestrinum deilir Gestur reynslu sinni af þátttöku í hreyfingu karlmanna sem kalla sig #egertil, skoðar #metoo byltinguna í víðu samhengi ásamt því að viðra hugmyndir sínar um þau tækifæri sem hreyfingin hefur opnað fyrir og skapað.

Leigufélag VR auglýsir eftir fjölbýlishúsi til kaups

Almennar fréttir

06.04.2018

Leigufélag VR leitar að fjölbýlishúsi til kaups á höfuðborgarsvæðinu til útleigu til félagsmanna VR. Óskað er eftir húsi með að lágmarki 20 íbúðum. Kostur er ef húsið býður upp á misstórar íbúðir. Húsið þarf að vera í mjög góðu ásigkomulagi, en má einnig vera óbyggt eða í byggingu.

VR mótmælir fjármálaáætlun ríkisstjórnarinnar

Almennar fréttir

06.04.2018

Stjórn VR gerir alvarlegar athugasemdir við nýútgefna fjármálaáætlun ríkisstjórnarinnar 2019 - 2023 og sendi frá sér í dag, 6. apríl 2018, eftirfarandi ályktun: Stjórn VR lýsir miklum vonbrigðum með nýútgefna fjármálaáætlun ríkisstjórnar Íslands sem fylgt var úr hlaði með þeim öfugmælum að „samfélagið allt njóti góðs af yfirstandandi hagvaxtarskeiði og að samfélagslegur stöðugleiki og lífsgæði verði treyst til framtíðar“. Þvert á móti er einmitt ekkert tekið á þeim grafalvarlega hnút sem kominn er upp í öllum kjaraviðræðum á íslenskum vinnumarkaði vegna ákvörðunar kjararáðs.

Mínar síður lokaðar

Almennar fréttir

27.03.2018

Vegna uppfærslu á tölvukerfi verða Mínar síður á vef vr.is, lokaðar frá kl. 16:30 í dag, þriðjudaginn 27. mars til kl. 11:00, miðvikudaginn 28. mars. Þá geta einnig orðið truflanir á reiknivélum og viðburðaskráningu á vef VR á meðan á uppfærslunni stendur. Við biðjumst velvirðingar á þeim óþægindum sem þetta kann að valda.

Ályktun frá stjórn LÍV

Almennar fréttir

23.03.2018

Stjórn LÍV sendi frá sér ályktun um sjálftöku launa sem hefur átt sér stað meðal stjórnenda í íslenskum fyrirtækjum allt frá því að kjararáð hækkaði laun þingmanna og forstöðumanna stofnana.

Inngreiðsla í VR varasjóð – Í hvað ætlar þú að nýta þinn varasjóð?

Almennar fréttir

21.03.2018

Á aðalfundi VR, sem var haldinn 19. mars sl. var samþykkt að framlag í VR varasjóð verði samtals 751.000.000 kr. fyrir árið 2017 auk viðbótar framlags að upphæð 14.492.146 kr. vegna ársins 2016. Samkvæmt reglugerð VR varasjóðs fer hluti af iðgjöldum orlofs- og sjúkrasjóðs í sjóðinn og fer því framlag í varasjóð eftir því hvernig þeir sjóðir standa hverju sinni. Aukning hefur orðið í greiðslum úr sjúkrasjóði en hlutfall sjúkradagpeninga af sjúkrasjóðsiðgjöldum hefur hækkað mikið og er nú í 67,92%, sem er það mesta sem við höfum séð frá því í hruninu árið 2009. Af þessum sökum lækkar framlag í varasjóð fyrir árið 2017.

Frá aðalfundi VR 2018

Almennar fréttir

20.03.2018

Aðalfundur VR var haldinn í gær, 19. mars, á Hilton Reykjavík Nordica. Farið var yfir ársskýrslu og ársreikning félagsins fyrir árið 2017. Tekjur félagsins jukust um 13,3% milli ára en tekjur eru samtals 3,9 milljarðar króna. Gjöld aukast um 20,6% og eru samtals 3,6 milljarðar króna. Rekstrartekjur umfram gjöld eru samtals 346 milljónir króna en fjármagnsliðir eru 610 milljónir og því eru hreinar tekjur til ráðstöfunar 956 milljónir króna sem er 30% hækkun milli ára. Félagsmenn VR eru nú orðnir 35.231 alls sem er 7,4% aukning frá fyrra ári og ef undan er skilin aukning vegna sameiningar við Verslunarmannafélag Suðurlands er aukningin engu að síður 5,4% sem er mikil aukning í sjálfu sér.