EN
0 niðurstöður
Leit

Vinsælar leitir

Gagnlegar síður

Leit að „“ - 0 niðurstöður
Sjá allar 0 niðurstöður

Almennar fréttir

Fyrirtæki ársins 2018 - fimmtán fyrirtæki fá viðurkenningu

Almennar fréttir

23.05.2018

Fyrirtæki ársins 2018 hafa verið valin samkvæmt niðurstöðum könnunar sem VR stendur fyrir meðal þúsunda starfsmanna á almennum vinnumarkaði. Markmið könnunarinnar er að leita upplýsinga um viðhorf starfsmanna til síns vinnustaðar en könnunin er einnig vettvangur starfsmannanna til að segja stjórnendum hvað er vel gert og hvað mætti betur fara. Fyrirtæki ársins eru fimmtán talsins, fimm í hverjum stærðarflokki. Niðurstöðurnar voru kynntar á viðburði á Hilton Reykjavík Nordica þann 23. maí.
Fundur með frambjóðendum í Reykjavík

Almennar fréttir

22.05.2018

VR, SFR, Efling og Starfsmannafélag Reykjavíkurborgar - stærstu stéttarfélögin innan ASÍ og BSRB með starfssvæði í Reykjavík efna til sameiginlegs opins fundar með fulltrúum framboðanna í Reykjavík fimmtudaginn 24. maí kl. 17:00 á Grand hótel Reykjavík, til að ræða um þau brýnu kjara- og húsnæðismál sem brenna á starfsfólki Reykjavíkurborgar og öðru launafólki í borginni.
Ársfundur deildar VR á Suðurlandi

Almennar fréttir

14.05.2018

Ársfundur deildar VR á Suðurlandi verður haldinn þriðjudaginn 29. maí nk. kl. 19:30 á Austurvegi 56, 2. hæð. Gestir fundarins verða Ragnar Þór Ingólfsson formaður VR og Stefán Sveinbjörnsson framkvæmdastjóri VR.
VR hættir viðskiptum við Hörpu tónlistarhús

Almennar fréttir

08.05.2018

Í ljósi yfirlýsingar forstjóra Hörpu í dag 8. maí, hefur VR ákveðið að hætta að nota Hörpu tónlistarhús undir viðburði félagsins. Sóma síns vegna getur VR ekki átt í viðskiptatengslum við fyrirtæki sem hagar sér með svo lítilmannlegum hætti gagnvart launafólki.
Ársfundi deildar VR á Austurlandi frestað

Almennar fréttir

07.05.2018

Af óviðráðanlegum ástæðum þarf að fresta ársfundi deildar VR á Austurlandi, sem halda átti í kvöld 8. maí. Fundurinn verður haldinn 30. maí nk. á hótel Austur, Reyðarfirði og verður dagskráin með óbreyttu sniði. Við biðjumst velvirðingar á þeim óþægindum sem þetta kann að valda.
Ársfundur deildar VR á Austurlandi

Almennar fréttir

04.05.2018

Ársfundur deildar VR á Austurlandi verður haldinn á Hótel Austur, Reyðarfirði þriðjudaginn 8. maí 2018 kl. 18:30. Tilkynningar um framboð til stjórnar þurfa að hafa borist á skrifstofu félagsins Kaupvangi 3b, Egilsstöðum eða á kristinm@vr.is fyrir kl. 16.30 föstudaginn 4. maí 2018.
1. maí haldinn hátíðlegur

Almennar fréttir

02.05.2018

Kröfugöngur og baráttufundir voru haldnir víða um land í gær á alþjóðlegum baráttudegi verkalýðsins eins og venjan er þennan dag. VR tók þátt í skipulagðri dagskrá í Reykjavík og á félagssvæðum sínum úti á landi en kröfugöngur voru gengnar á Akranesi og Selfossi og baráttufundur var haldinn í Vestmannaeyjum. Mikill fjöldi fólks lagði leið sína á Klambratún þar sem VR var með upphitun fyrir kröfugönguna í Reykjavík. Eftir kröfugöngu bauð VR félagsmönnum sínum í verkalýðskaffi í anddyri Laugardalshallarinnar.
1. maí 2018 - Til hamingju með daginn!

Almennar fréttir

01.05.2018

1. maí er baráttudagur verkalýðsins. Árleg áminning um mátt samstöðunnar og nauðsyn áframhaldandi baráttu fyrir réttlæti og mannsæmandi lífskjörum fyrir alla.
Páll Óskar og fleiri hita upp fyrir kröfugöngu á 1. maí!

Almennar fréttir

30.04.2018

VR hitar upp fyrir kröfugöngu með léttu skemmtiskokki og hátíðardagskrá fyrir alla fjölskylduna. Dagskráin hefst kl. 11:00 og munu bæði Páll Óskar og Friðrik Dór halda uppi fjörinu á Klambratúni. Jónsi í Svörtum fötum og Eva Ruza hita mannskapinn upp fyrir Fjölskylduhlaupið en hlaupið er 1,5 km leið í kringum Klambratún. Þátttaka er ókeypis og fá allir þátttakendur í fjölskylduhlaupinu verðlaunapening.
Hefur leigan þín hækkað óeðlilega?

Almennar fréttir

29.04.2018

VR auglýsir um þessar mundir eftir dæmum og gögnum frá fólki sem hefur orðið fyrir óeðlilegri hækkun húsaleigu. Fullum trúnaði er heitið. Á undanförnum misserum hefur heyrst af ótrúlegum dæmum um svívirðilega hækkun á húsaleigu fólks sem getur ekki hönd fyrir höfuð borið á vægðarlausum leigumarkaði.
Verslunarmannafélag Suðurnesja gengur til sameiningarviðræðna við VR

Almennar fréttir

27.04.2018

Aðalfundur Verslunarmannafélags Suðurnesja (VS) sem haldinn var í Reykjanesbæ í gærkvöldi, fimmtudaginn 26. apríl, samþykkti með öllum greiddum atkvæðum, að gengið yrði til viðræðna við VR um sameiningu félaganna.
Útilegukortið er komið í sölu

Almennar fréttir

25.04.2018

Fullgildum félagsmönnum VR stendur til boða að kaupa útilegukortið fyrir sumarið 2018. Kortið veitir tveimur fullorðnum og allt að fjórum börnum upp að 16 ára aldri gistingu á 41 tjaldsvæðum víðsvegar um landið. Kortið kostar 11.600 krónur og getur hver fullgildur félagsmaður keypt eitt kort.