Fréttir

Flokkar

Staðan í kjaramálum

VR blaðið

11.10.2017

Vinna er hafin við að móta helstu kröfur okkar fyrir komandi kjarasamninga. Stjórn VR tók samtal um helstu hugmyndir að áherslumálum sem kjaramálanefnd VR mun svo vinna með ásamt því að kanna hug félagsmanna. Stjórn VR reið á vaðið og ályktaði um að ein af lykilkröfum félagsins fyrir komandi kjaraviðræður yrði að hækka persónuafslátt með það að markmiði að lágmarkslaun verði skattfrjáls. Þannig væri hægt að tryggja stöðugleika í bland við aukinn kaupmátt og vinna þannig til baka þær kaupmáttarkrónur sem ríkið hefur tekið í gegnum tekjutengingu vaxta, húsnæðis og barnabóta. Sigríður Lovísa Jónsdóttir stjórnarmaður í VR mun leiða vinnu nefndarinnar.

Leiðari 3. tbl. VR blaðsins 2017 - Þegar valdastrúktúrinn riðlast

VR blaðið

10.10.2017

Þau stórtíðindi hafa gerst að ríkisstjórnin er fallin og kosningar eru á næsta leiti. Því eru allar líkur á að loforðareikningar stjórnmálaflokkanna verði opnaðir upp á gátt á næstu misserum. Hlutverk okkar í verkalýðshreyfingunni verður því bæði að tryggja að hagsmunir launafólks verði settir á dagskrá og að loforð verði efnd en kosningasvik við kjósendur virðist vera einskonar þjóðaríþrótt íslenskra stjórnmálamanna og flokka.

Námskeið - Að semja um launin

Almennar fréttir

09.10.2017

VR býður félagsmönnum sínum á ókeypis námskeið til undirbúnings fyrir launaviðtalið. Næsta námskeið verður haldið nk. fimmtudag, þann 12. október, kl 09:00 - 12:00 í fundarsal VR á 0. hæð í Húsi verslunarinnar.

Opinn fundur um okurvexti og verðtryggingu

Almennar fréttir

03.10.2017

VR og Verkalýðsfélag Akraness bjóða landsmönnum til opins fundar laugardaginn 7. október milli 14:00 og 16:00 í Háskólabíói. Fundurinn verður haldinn í aðalsal Háskólabíós en opið verður einnig í anddyrissalnum þar sem hægt verður að fylgjast með fundinum á stórum sjónvarpsskjám. Þá verður fundinum streymt á netinu beint svo að enginn ætti að missa af honum ef eigið ekki heimangengt, búið úti á landi eða erlendis.

Hækkun á styrkjum í starfsmenntasjóðum um næstu áramót

Almennar fréttir

28.09.2017

Stjórnir starfsmenntasjóða sem VR á aðild að hafa samþykkt hækkun á styrkjum til félagsmanna sem tekur gildi um næstkomandi áramót.

Næstu hádegisfyrirlestrar VR

Almennar fréttir

26.09.2017

Hádegisfyrirlestrar VR haustið 2017 hefjast nk. fimmtudag, 28. september þegar Ingvar Jónsson segir okkur allt um litróf hugans. Hvaða litur er best að vera?

Til skammar að ekki sé hægt að lifa af lágmarkslaunum í góðæri!

Greinar

21.09.2017

Lægstu laun á Íslandi eru skammarlega lág og duga ekki til framfærslu hjá fjölda fólks. Þetta er eitt stærsta vandamálið í íslensku samfélagi í dag. Og þetta er ástæða þess að stjórn VR krefst þess í komandi kjaraviðræðum að persónuafsláttur verði hækkaður í takt við launaþróun frá árinu 1990.

Efnahagsyfirlit VR - Launahækkanir hafa verið í takt við verðmætasköpun

Efnahagsyfirlit

19.09.2017

Laun á Íslandi hafa hækkað umtalsvert síðustu ár - sumir telja að þau hafi hækkað of mikið og benda máli sínu til stuðnings á samanburð við launahækkanir erlendis. Slíkur samanburður verður hins vegar að taka tillit til hagvaxtar sem hefur verið mun meiri á Íslandi en annnars staðar. Um þetta er fjallað í nýjasta Efnahagsyfirliti VR sem gefið er út í tengslum við mánaðarlega fundi stjórnar félagsins.

Að nýta bestu ár ævinnar – námskeið

Almennar fréttir

18.09.2017

Ertu að huga að starfslokum eða nýlega hætt/ur á vinnumarkaði? Þá er námskeiðið „Að nýta bestu ár ævinnar“ eitthvað fyrir þig. VR býður félagsmönnum á aldrinum 63-72 ára á námskeið sem hefur það að markmiði að auðvelda breytingu á lífsháttum sem gjarnan verður með starfslokum.

Ályktun stjórnar VR um skattleysi lægstu launa

Almennar fréttir

14.09.2017

Stjórn VR ályktaði um skattleysi lægstu launa á stjórnarfundi félagsins 13. september 2017. Fjárhæð persónuafsláttar fylgi launavísitölu og það verði bundið í lög.

Þingfulltrúar VR á 30. þing LÍV

Almennar fréttir

13.09.2017

Á félagsfundi sem haldinn var í gær, 12. september, voru kjörnir 65 þingfulltrúar VR til setu á 30. þingi Landssambands ísl. verzlunarmanna, sem haldið verður á Akureyri 13. – 14. október næstkomandi.

Félagsfundur 12. september

Almennar fréttir

05.09.2017

Félagsfundur VR verður haldinn 12. september kl. 18.30 í Húsi verslunarinnar. Á dagskrá fundarins er kosning þingfulltrúa VR á 30. þing LÍV sem haldið verður á Akureyri dagana 13. - 14. október næstkomandi. Fundurinn verður haldinn í fundarsal VR í Húsi verslunarinnar á 0.hæð hússins.