Fréttir

Flokkar

Leigufélag VR

VR blaðið

19.03.2018

Húsnæðiskostnaður og búsetuöryggi er eitt stærsta kjaramál okkar tíma og mikilvægt að VR sem stéttarfélag beini kröftum sínum til þessa málaflokks. Stjórn VR hefur um nokkurt skeið rætt möguleika þess að félagið stofni óhagnaðardrifið leigufélag með það að markmiði að bjóða lægri leigu en tíðkast á leigumarkaðnum eins og hann er í dag. Tillögur um slíkt leigufélag voru til umræðu á trúnaðarráðsfundi 12. febrúar sl. og samþykkti trúnaðarráð að stjórn VR héldi áfram að vinna að og gera áætlanir er varða leigufélagið. Stjórn VR samþykkti í framhaldinu á stjórnarfundi þann 20. febrúar sl. að stofna formlega leigufélag VR og hefja uppbyggingu þess.

VR leggur fram tillögu á aðalfundi N1 um að allir starfsmenn fái sömu kjarahækkun og forstjóri félagsins

Almennar fréttir

16.03.2018

Stjórn VR hefur samþykkt að leggja fram tillögu á aðalfundi N1 um að öllum starfsmönnum N1 skuli tryggð sama kjarahækkun og forstjóri félagsins fékk en laun hans voru 5,8 m.kr. á mánuði á síðasta ári og hækkuð þau um 20,6% á milli ára eða um rúma milljón krónur á mánuði. Sem hluthafi í N1 getur stjórn VR ekki setið aðgerðalaust hjá þegar N1 greiðir forstjóra fyrirtækisins 20,6% hækkun í kjörum milli ára.

Leiðrétt röðun varamanna í stjórnarkosningu

Almennar fréttir

15.03.2018

Kjörstjórn VR tilkynnti í gær að farist hafi fyrir að láta kynjafléttu í uppröðun úr niðurstöðu stjórnarkosninga ná áfram niður til varamanna. Samkvæmt kjörstjórn má rekja orsök þessa til þess að ákvæði 20.4 gr. laga VR um atriðið megi misskilja en að við nánari skoðun hafi komið í ljós að í framkvæmd hafi fléttureglan verið látin gilda um varamenn.

Veiðikortið er komið!

Almennar fréttir

14.03.2018

Fullgildum félagsmönnum VR stendur til boða að kaupa veiðikort fyrir sumarið 2018. Veiðikortið veitir nær ótakmarkaðan aðgang að fjölda vatnasvæða vítt og breitt um landið. Glæsileg handbók fylgir hverju korti þar sem má finna leiðbeiningar og reglur. Kortið kostar kr. 4.800 og getur hver fullgildur félagsmaður keypt eitt kort. Hægt er að kaupa veiðikort á Mínum síðum og á skrifstofum VR.

Kosningu til stjórnar VR lýkur í dag, 13. mars

Almennar fréttir

13.03.2018

Um kl. 8:30 í morgun, 13. mars, höfðu 3.093 félagsmenn VR kosið í allsherjaratkvæðagreiðslu til stjórnar VR fyrir kjörtímabilið 2018 til 2020 en hún hófst kl. 9:00 að morgni 6. mars. Atkvæðagreiðslunni lýkur kl. 12:00 á hádegi í dag, þriðjudaginn 13. mars.

Niðurstöður kosninga

Almennar fréttir

13.03.2018

Allsherjaratkvæðagreiðslu vegna kosninga til stjórnar VR, sem stóð frá 6. mars 2018 til kl. 12:00 á hádegi þann 13. mars 2018 er nú lokið.

Kosningu til stjórnar VR lýkur á morgun

Almennar fréttir

12.03.2018

Um kl. 9:00 í morgun, þann 12. mars 2018, höfðu alls 2.010 félagsmenn VR kosið í allsherjaratkvæðagreiðslu til stjórnar VR fyrir kjörtímabilið 2018 til 2020 en hún hófst kl. 9:00 að morgni 6. mars. Á kjörskrá er 34.979 félagsmaður. Atkvæðagreiðslunni lýkur kl. 12:00 á hádegi á morgun, 13. mars.

Ert þú búin/n að kjósa?

Almennar fréttir

09.03.2018

Um kl. 11:00 í morgun, þann 9. mars 2018, höfðu alls 1.651 félagsmenn VR kosið í allsherjaratkvæðagreiðslu til stjórnar VR fyrir kjörtímabilið 2018 til 2020 en hún hófst kl. 9:00 að morgni 6. mars. Á kjörskrá er 34.979 félagsmaður. Atkvæðagreiðslunni lýkur kl. 12:00 á hádegi 13. mars.

Formenn funda

Almennar fréttir

09.03.2018

Formaður VR, Ragnar Þór Ingólfsson fundaði í dag með nýkjörnum formanni Eflingar, Sólveigu Önnu Jónsdóttur og formanni Verkalýðsfélags Akraness, Vilhjálmi Birgissyni. Á fundinum fóru formennirnir yfir stöðu mála og taldi Ragnar Þór líklegt að þau myndu funda oftar í kjölfarið. Ragnar Þór sagðist mjög bjartsýnn á framhaldið.

Aðalfundur VR 2018

Almennar fréttir

08.03.2018

Aðalfundur VR verður haldinn mánudaginn 19. mars kl. 19:30 á Hilton Reykjavík Nordica. Á dagskrá eru hefðbundin aðalfundarstörf, lagabreytingar og ákvörðun um innborgun í VR varasjóð. Dagskrá og frekari upplýsingar er að finna á vr.is. Við hvetjum félagsmenn til að mæta.

52% kvenna í VR hafa orðið fyrir kynferðislegri áreitni í starfi

Almennar fréttir

08.03.2018

VR stóð fyrir rafrænni könnun meðal úrtaks úr félagaskrá VR dagana 15. desember 2017 til og með 11. janúar 2018. Niðurstöður könnunarinnar sýna að rúmlega önnur hver kona í VR hefur orðið fyrir kynferðislegri áreitni í starfi einhvern tíma á sínum starfsferli og rúmlega fimmtungur karla. Hlutfallið er hæst meðal fólks á þrítugs- og fertugsaldri, 63% kvenna á aldrinum 25 til 34 ára hefur orðið fyrir kynferðislegri áreitni í starfi á einhverjum tímapunkti og 28% karla.

Ekki gleyma að svara!

Almennar fréttir

07.03.2018

Könnun VR á fyrirtæki ársins og launakjörum stendur nú yfir en hægt er að svara á Mínum síðum á vef VR. Samhliða könnun á Fyrirtæki fá fullgildir félagsmenn einnig launakönnun VR. Niðurstöður í könnun VR veita félagsmönnum upplýsingar um starfskjör í fyrirtækjum á almennum markaði og viðhorf starfsmanna þeirra. Ekki gleyma þér – svaraðu núna á Mínum síðum á vef VR.