Fréttir

Flokkar

Er streita að hrjá þig?

Almennar fréttir

11.01.2017

Ragnheiður Guðfinna Guðnadóttir er framkvæmdastjóri og ráðgjafi hjá Forvörnum ehf. Forvarnir leggja áherslu á að fyrirbyggja streitu og stuðla að góðri geðheilsu, hvort sem fólk leitar til þeirra í einstaklingsmiðaða þjónustu eða fyrir fyrirtæki og stofnanir sem vilja bæta andlega og félagslega líðan starfsmanna á vinnustaðnum. Ragnheiður Guðfinna ræddi við VR blaðið um streitu og hvað sé til ráða þegar streitan hefur náð yfirhöndinni.

Vinningshafi í jólaleik VR

Almennar fréttir

06.01.2017

VR stóð fyrir jólaleik á Facebooksíðu sinni á dögunum þar sem fólk var beðið að senda inn myndir og sögur af eftirminnilegu jóladóti. VR gefur eina milljón króna til UNICEF í nafni vinningshafans.

Álag á vef vegna bókana orlofshúsa

Almennar fréttir

04.01.2017

Félagsmenn VR vinsamlega athugið að búast má við álagi á vef og símkerfi félagsins frá kl. 19:00 á morgun, 5. janúar þegar opnað verður fyrir bókanir orlofshúsa sumarið 2017. Athugið að innskráning á Mínar síður VR frá k. 14:00 - 24:00 fimmtudaginn 5. janúar leiðir notanda beint á orlofsvef VR en ekki verður hægt að sækja um aðra þjónustu hjá VR en að bóka orlofshús. Er þetta gert til þess að draga úr álagi á kerfið á meðan bókanir orlofshúsa standa yfir. Biðjumst við velvirðingar á þeim óþægindum sem þetta kann að valda.

Um bókanir orlofshúsa

Almennar fréttir

03.01.2017

Við viljum minna félagsmenn VR á að til að bóka orlofshús félagsins þarf að skrá sig inn á Mínar síður, annað hvort með Íslykli eða rafrænum skilríkjum. Opnað verður fyrir bókanir á orlofshúsum VR árið 2017 og fram á mitt ár 2018 sem hér segir: Fimmtudaginn 5. janúar 2017 kl.19.00 verður opnað fyrir bókanir orlofshúsa 27. maí – 2. september hjá þeim sem hafa ekki fengið úthlutað orlofshúsi sl. þrjú sumur. Föstudaginn 6. janúar 2017 kl. 14.00 verður opnað fyrir bókanir orlofshúsa fyrir þá sem leigðu orlofshús sumarið 2014, 2015 eða 2016. Fimmtudaginn 12. janúar 2017 kl. 10.00 verður opnað fyrir bókanir orlofshúsa tímabilið 1. september 2017 - 1. júní 2018. Skrifstofa VR í Reykjavík verður opin að kvöldi 5. janúar frá kl. 18:50 – 20:30 og geta félagsmenn, sem ekki bóka á vefnum, komið á skrifstofu félagsins til að bóka. Þá verður einnig tekið við bókunum í síma 510 1700 frá kl. 19.00 þann sama dag. Athugið að innskráning á Mínar síður VR frá k. 14:00 -24:00 fimmtudaginn 5. janúar leiðir notanda beint á orlofsvef VR en ekki verður hægt að sækja um aðra þjónustu hjá VR en að bóka orlofshús. Er þetta gert til þess að draga úr álagi á kerfið á meðan bókanir orlofshúsa standa yfir. Biðjumst við velvirðingar á þeim óþægindum sem þetta kann að valda.

Samningur undirritaður um sameiningu VR og Verslunarmannafélags Suðurlands

Almennar fréttir

30.12.2016

Eins og við skýrðum frá í síðasta VR blaði er fyrirhuguð sameining VR og Verslunarmannafélags Suðurlands (VMS) en á aukaaðalfundi VMS þriðjudaginn 15. nóvember sl. samþykktu félagsmenn að gengið yrði til sameiningarviðræðna við VR og þegar samningur lægi fyrir verði hann afgreiddur í rafrænni allsherjaratkvæðagreiðslu meðal félagsmanna VMS. Samninganefndir félaganna hafa nú gert með sér samkomulag um sameininguna sem undirritað var í dag 30. desember.

Efnahagsyfirlit VR - Gengisstyrking skilar sér síður út í verðlag en gengisveiking

Efnahagsyfirlit

15.12.2016

Í umræðunni undanfarnar vikur hefur því verið haldið fram að gengisstyrking skili sér að sama marki út í verðlag og gengisveiking. Þetta er þó ekki í samræmi við svör stjórnenda fyrirtækja. Áhrifin af gengisveikingu og gengisstyrkingu á verðbólgu eru ekki þau sömu. Þá hefur einnig verið talið að erfitt sé að skila gengisstyrkingunni vegna launahækkana. Í því felst rökvilla sem gengur út á það að ekki er hægt að heimfæra það sem á við um einstakt fyrirtæki yfir á fyrirtækin sem heild. Þetta kemur fram í nýjasta Efnahagsyfirliti VR.

Verslunarmannafélag Suðurlands stefnir að sameiningu við VR

Almennar fréttir

25.11.2016

Á aukaaðalfundi Verslunarmannafélags Suðurlands (VMS) þriðjudaginn 15. nóvember sl. var samþykkt sú tillaga stjórnar VMS að félagið myndi ganga til sameiningarviðræðna við VR. Í kjölfar könnunarviðræðna milli félaganna samþykkti stjórn VMS að leggja til slíkar sameiningarviðræður og þegar samningur liggur fyrir verður hann afgreiddur í rafrænni allsherjaratkvæðagreiðslu meðal félagsmanna VMS. Ef niðurstaðan verður sú að hann sé samþykktur myndi sameining félaganna þá næst tekin fyrir til samþykktar á aðalfundi VR í mars 2017. Félagssvæði VMS er mjög víðfemt og nær frá Skeiðará í austri til Herdísarvíkur í vestri sem er um 20% af landinu.“

Pipar/TBWA hlýtur jafnlaunavottun VR

Almennar fréttir

24.11.2016

Pipar/TBWA hlaut í dag, fyrst íslenskra auglýsingastofa, Jafnlaunavottun VR. Jafnlaunavottun staðfestir að karlar og konur innan fyrirtækis fá sömu laun fyrir sömu eða jafnverðmæt störf.

Efnahagsyfirlit VR - Byrði húsnæðiskostnaðar óviðunandi fyrir einstaklinga í leiguúrræði

Efnahagsyfirlit

24.11.2016

Um 16% heimila í einhvers konar úrræði búa við of háan húsnæðiskostnað og raðast Ísland ofarlega á þeim lista meðal Evrópulanda. Hið sama gildir þó ekki um aðra leigjendur eða eigendur húsnæðis. Þar er hlutfall þeirra sem búa við íþyngjandi húsnæðiskostnað í takt við önnur Evrópulönd eða í lægri kantinum. Þetta er meðal þess kemur fram í nýjasta Efnahagsyfirliti VR. Yfirlitið er gefið út í tengslum við stjórnarfundi VR og er þar fjallað um helstu lykiltölur í íslensku efnahagslífi.

Áskoranir á fjölbreyttum vinnustað - hádegisfyrirlestur

Almennar fréttir

23.11.2016

Fyrirlesturinn fjallar um þær áskoranir sem við stöndum frammi fyrir á fjölbreyttum vinnustöðum. Við fræðumst um ólíka leiðtogastíla og hvernig við vinnum á áhrifaríkan hátt með ólíkum einstaklingum.

Efnahagsyfirlit VR - Færri skipta um vinnustað nú en í fyrri uppsveiflum

Efnahagsyfirlit

21.09.2016

Þegar illa árar í efnahagslífinu skipta færri um vinnu en þegar vel árar. Ástæðurnar geta verið margvíslegar, en ljóst er að í uppsveiflu er meira um góð atvinnutækifæri en þegar kreppir að. Samband á milli hagsveiflunnar og vinnuskipta hefur lengst af verið nokkuð sterkt, allavega fram að kreppunni 2009. Frá 2010 hafa vinnuskipti félagsmanna VR hins vegar ekki verið í samræmi við þá uppsveiflu sem hafin er. Þetta sést meðal annars því að starfsaldur félagsmanna á sama vinnustað hefur lengst. Þetta er meðal þess sem fram kemur í nýjasta Efnahagsyfirliti VR.

Launamunur kynjanna óbreyttur milli ára

Almennar fréttir

15.09.2016

Frá janúar 2015 til apríl 2016 hækkuðu grunnlaun félagsmanna VR um 14,3% og heildarlaun þeirra um 15,8%. Þetta er meðal þess sem fram kemur í árlegri launakönnun meðal félaga VR sem birt er í dag. Launahækkun VR félaga er í takt við breytingar á launavísitölu Hagstofu Íslands sem hækkaði um 14,5% á sama tíma og launavísitölu VR sem hækkaði um 15,5%.