Efnahagsyfirlit

Flokkar

Efnahagsyfirlit VR - Húsnæðismálin í brennidepli

Efnahagsyfirlit

17.05.2017

Verð á fjölbýli á höfuðborgarsvæðinu, sem hlutfall af útborguðum launum, hækkaði um 12% milli febrúarmánaða 2016 og 2017. Hærri laun og lægri vextir hafa ekki náð að vega upp á móti hækkun fasteignaverðs undanfarinna ára. Þetta kemur fram í umfjöllun um húsnæðismálin í nýjasta Efnahagsyfirliti VR.

Efnahagsyfirlit VR - misjafnar mælingar á kaupmætti launa

Efnahagsyfirlit

07.04.2017

Í nýjasta Efnahagsyfirliti VR er meðal annars fjallað um kaupmátt og misjafnar mælingar á kaupmætti. Vísitölur fyrir kaupmátt launa sýna að kaupmáttur er nú mun meiri en nokkru sinni fyrr. Kaupmáttarvísitala Hagstofunnar er um 15% hærri en hæsta gildið fyrir hrun og Kaupmáttarvísitala VR er um 2% hærri en hæsta gildið fyrir hrun. Þessir mælikvarðar gefa þó ekki nægjanlega góða mynd af þeim kaupmætti sem heimilin finna fyrir þó Kaupmáttarvísitala VR komist örlítið nær því en vísitala Hagstofunnar. Vísitölurnar taka aðeins tillit til launa en ekki annarra tekna. Þá taka þessar vísitölur ekki tillit til ýmissa bóta eða vaxtagjalda. Allir þessir þættir hafa áhrif á kaupmátt heimila. Upplýsingar um ráðstöfunartekjur þ.e. allar tekjur heimilis að frádregnum sköttum og vaxtagjöldum, sýna að kaupmáttur heimilanna er töluvert minni en þegar best lét, þ.e. 2007. Nýjustu tölurnar eru frá 2015 og sýna, sem dæmi, að kaupmáttur hjóna með börn var 30% lægri árið 2015 samanborið við 2007. Þetta er meðal þess sem fram kemur í nýju Efnahagsyfirliti VR. Efnahagsyfirlit VR er gefið út í tengslum við stjórnarfundi félagsins og er í því fjallað um helstu málefni líðandi stundar. Í yfirlitinu fyrir apríl í ár er auk umfjöllunar um kaupmáttarvísitölur fjallað um vinnusemi Íslendinga, hvort toppinum í efnahagsuppsveiflunni sé náð, verðbólgu, búferlaflutninga og vinnuskipti félagsmanna VR

Unga fólkið og íbúðakaupin

Efnahagsyfirlit

27.03.2017

Staða ungs fólks hefur verið nokkuð í umræðunni seinustu misseri, ekki síst vegna þess hve þröng staða þess er á húsnæðismarkaði. Laun ungs fólks hafa hækkað minna en laun annarra og ungt fólk er líklegra til að vera á leigumarkaði en eldra fólk. Staðan á leigumarkaði er vægast sagt slæm og algengt að leiga sé u.þ.b. 60% af úrborguðum launum einstaklings með miðgildislaun . Það gerir ungu fólki nær ómögulegt að safna fyrir útborgun til fyrstu kaupa.

Jákvæð áhrif breytinga á húsnæðisbótakerfi

Efnahagsyfirlit

16.02.2017

Í nýjasta Efnahagsyfirliti VR er umfjöllun um nýtt húsnæðisbótakerfi, sem tók við þann 1. janúar 2017, og áhrif þess á leigjendur. Húsnæðisbætur eru hugsaðar til að aðstoða þá sem leigja íbúðarhúsnæði, hvort sem er í félagslega kerfinu, námsgörðum eða á hinum almenna leigumarkaði.

Hlutfall húsnæðis af útborguðum launum fer hækkandi

Efnahagsyfirlit

12.01.2017

Nýtt Efnahagsyfirlit VR kemur út í dag. Þar kemur m.a. fram að undanfarin ár hefur hlutfall útborgaðra launa heimilis sem varið til greiðslu fasteignaláns farið hækkandi. Í dag er hlutfallið að jafnaði 20-21% en var um 18% stuttu eftir efnahagshrunið. Hlutfallið er í takt við árin 2000 til 2004. Það er þó áhyggjuefni að vísbendingar eru um að hlutfall útborgaðra launa sem varið er í greiðslu fasteignaláns fer hækkandi. Þetta snertir helst þau heimili sem eru að kaupa sér sína fyrstu fasteign eða stækka við sig.

Efnahagsyfirlit VR - Gengisstyrking skilar sér síður út í verðlag en gengisveiking

Efnahagsyfirlit

15.12.2016

Í umræðunni undanfarnar vikur hefur því verið haldið fram að gengisstyrking skili sér að sama marki út í verðlag og gengisveiking. Þetta er þó ekki í samræmi við svör stjórnenda fyrirtækja. Áhrifin af gengisveikingu og gengisstyrkingu á verðbólgu eru ekki þau sömu. Þá hefur einnig verið talið að erfitt sé að skila gengisstyrkingunni vegna launahækkana. Í því felst rökvilla sem gengur út á það að ekki er hægt að heimfæra það sem á við um einstakt fyrirtæki yfir á fyrirtækin sem heild. Þetta kemur fram í nýjasta Efnahagsyfirliti VR.

Efnahagsyfirlit VR - Byrði húsnæðiskostnaðar óviðunandi fyrir einstaklinga í leiguúrræði

Efnahagsyfirlit

24.11.2016

Um 16% heimila í einhvers konar úrræði búa við of háan húsnæðiskostnað og raðast Ísland ofarlega á þeim lista meðal Evrópulanda. Hið sama gildir þó ekki um aðra leigjendur eða eigendur húsnæðis. Þar er hlutfall þeirra sem búa við íþyngjandi húsnæðiskostnað í takt við önnur Evrópulönd eða í lægri kantinum. Þetta er meðal þess kemur fram í nýjasta Efnahagsyfirliti VR. Yfirlitið er gefið út í tengslum við stjórnarfundi VR og er þar fjallað um helstu lykiltölur í íslensku efnahagslífi.

Efnahagsyfirlit VR - Færri skipta um vinnustað nú en í fyrri uppsveiflum

Efnahagsyfirlit

21.09.2016

Þegar illa árar í efnahagslífinu skipta færri um vinnu en þegar vel árar. Ástæðurnar geta verið margvíslegar, en ljóst er að í uppsveiflu er meira um góð atvinnutækifæri en þegar kreppir að. Samband á milli hagsveiflunnar og vinnuskipta hefur lengst af verið nokkuð sterkt, allavega fram að kreppunni 2009. Frá 2010 hafa vinnuskipti félagsmanna VR hins vegar ekki verið í samræmi við þá uppsveiflu sem hafin er. Þetta sést meðal annars því að starfsaldur félagsmanna á sama vinnustað hefur lengst. Þetta er meðal þess sem fram kemur í nýjasta Efnahagsyfirliti VR.

Miklum hagvexti spáð, landsframleiðsla gæti orðið hærri en fyrir hrun

Efnahagsyfirlit

10.06.2016

Samkvæmt spám fimm greiningaraðila verður hagvöxtur á mann hér á landi 3,8% á þessu ári og gangi spárnar eftir verður landsframleiðsla á mann árið 2016 hærri en árið 2007. Hagvöxtur eftir hrun er mun heilbrigðari en fyrir hrun þegar hann var byggður að miklu leyti á aukinni skuldsetningu. Enn sjást mjög veik merki þess að skuldsetning heimila og fyrirtækja sé farin að aukast.

Landsframleiðsla á mann segir ekki alla söguna

Efnahagsyfirlit

11.05.2016

Efnahagsleg frammistaða landa er alla jafna metin út frá mælikvarðanum landsframleiðsla á mann og breytingu á þeim mælikvarða milli ára. Í uppsveiflu eykst landsframleiðsla á mann en dregst saman í niðursveiflu. Landsframleiðsla á mann segir þó ekki alla söguna hvað varðar velferð þjóða, hamingju einstaklinga eða hversu mikið þurfti að hafa fyrir landsframleiðslunni.

Kaupmáttaraukning ráðstöfunartekna skilar sér ójafnt

Efnahagsyfirlit

11.03.2016

Kaupmáttarvísitala VR hækkaði um 5,3% á fjórða ársfjórðungi 2015 og þarf að hækka um 4,2% til að ná hámarkinu fyrir hrun. Kaupmáttur launa segir þó ekki alla söguna. Sá kaupmáttur sem heimilin finna fyrir er kaupmáttur ráðstöfunartekna (þar er tekið tillit til launa, annarra tekna og tilfærslna á borð við vaxta- og barnabætur að frádregnum sköttum).

Bati á vinnumarkaði skilar sér til 55+

Efnahagsyfirlit

11.02.2016

Bati á vinnumarkaði var umtalsverður árið 2015, sé miðað við atvinnuleysi eða hlutfall starfandi. Sá bati virðist skila sér til elsta launahópsins, hlutfall starfandi á aldrinum 55 – 74 ára er nú með því hæsta sem sést hefur árum saman.