Almennar fréttir - 02.03.2020

Tilkynning frá VR vegna COVID-19 veirunnar

VR tekur undir orð Alþýðusambands Íslands og vill beina þeim til félagsmanna sinna að launafólk sem sett er í sóttkví eða sem er að læknisráði gert að halda sig heima, er óvinnufært vegna sjúkdóms eða á hættu á því að verða óvinnufært vegna hans. Á þetta við um þá sem eru annað hvort sýktir af COVID-19 veirunni eða eru hugsanlegir smitberar hans. Þau forföll eru greiðsluskyld skv. ákvæðum kjarasamninga og laga.

Miðstjórn ASÍ mun fjalla nánar um stöðuna vegna veirunnar og viðbrögð við henni á miðstjórnarfundi næstkomandi miðvikudag.

Sjá frétt á vef ASÍ hér. 

Nánari upplýsingar um veiruna má finna á vef landlæknis hér.