Almennar fréttir - 11.03.2020

Þjónusta VR vegna COVID-19 - Leiðir til að hafa samband við félagið

Þar sem stjórnvöld hafa lýst yfir neyðarstigi vegna COVID- 19 veirunnar vill VR beina þeim tilmælum til félagsmanna sinna að sækja sér þjónustu félagsins í gegnum netið eða síma eins og unnt er. Flesta þjónustuþætti VR má nálgast rafrænt en þeir sem eiga brýnt erindi geta komið á skrifstofur félagsins.

Á vef VR má finna allar helstu upplýsingar um þjónustu félagsins. Öllum fyrirspurnum er svarað í síma 510 1700 og hvetjum við félagsmenn til að hringja frekar en að koma á skrifstofur félagsins. Eins má senda fyrirspurnir á netfangið vr@vr.is og á Facebooksíðu VR. Öllum fyrirspurnum er svarað eins fljótt og auðið er á opnunartíma skrifstofu.

Sjúkrasjóður

Sótt er um sjúkradagpeninga á Mínum síðum og er mikilvægt að hengja öll fylgigögn með umsókninni.

• Sjá nánari upplýsingar um sjúkradagpeninga hér.

Ef sækja þarf um dánarbætur vegna félagsmanns er hægt að nálgast umsóknareyðublaðið hér. Skanna þarf inn umsókn og fylgigögn og senda á netfangið sjukrasjodur@vr.is. Hægt er að sækja um dánarbætur barna á Mínum síðum. Sjá nánari upplýsingar um dánarbætur hér.

• Hér getur þú séð allar nánari upplýsingar um Sjúkrasjóð VR

Hægt er að koma til okkar pappírum, vottorðum og öðrum fylgigögnum með því að skanna þau inn og senda á sjukrasjodur@vr.is.

VR varasjóður og starfsmenntasjóðir

Á Mínum síðum sækir þú rafrænt um í VR varasjóð og starfsmenntasjóði.

• Hér getur þú séð allar nánari upplýsingar um VR varasjóð og hvaða gögn þurfa að fylgja með umsókn.
• Hér getur þú séð allar nánari upplýsingar um starfsmenntasjóðina og hvaða gögn þurfa að fylgja með umsókn.

Kjaramál

Hægt er að hafa samband við ráðgjafa kjaramálasviðs í síma 510 1700. Einnig er hægt að senda tölvupóst á netfangið kjaramal@vr.is.

Orlofshús

Á Mínum síðum er hægt að skoða og bóka orlofshús á orlofsvef félagsins, sjá hér. Fyrirspurnir má senda á netfangið orlofshus@vr.is.

VIRK

Einstaklingar í þjónustu hjá VIRK eiga áfram samskipti við sinn ráðgjafa hjá VR. Þeim sem eru með undirliggjandi sjúkdóma eða treysta sér ekki til að mæta í viðtal vegna COVID-19 veirunnar verður boðið símaviðtal.