Almennar fréttir - 21.09.2020
Móttaka VR lokuð frá 21. september
Frá og með deginum í dag, mánudaginn 21. september verða skrifstofur VR lokaðar nema fyrir móttöku gagna. Á meðan verið er að ná betri tökum á útbreiðslu veirunnar mun VR eingöngu veita félagsmönnum fjarþjónustu eða í fyrirfram bókuðum viðtölum. Þetta er gert með velferð félagsmanna að leiðarljósi.
Skrifstofur VR munu opna aftur að óbreyttu, mánudaginn 5. október. Eru þetta sérstakar ráðstafanir sökum fjölgunar smita hér innanlands.
Þeir sem eiga nú þegar bókað viðtal hjá ráðgjafa skulu mæta með grímu, spritta sig vel og virða tveggja metra fjarlægðamörk.
Á vef VR má finna allar helstu upplýsingar um þjónustu félagsins. Öllum fyrirspurnum er svarað í síma 510 1700 og hvetjum við félagsmenn til að hringja frekar en að koma á skrifstofur félagsins. Eins má senda fyrirspurnir á netfangið vr@vr.is og á Facebooksíðu VR. Öllum fyrirspurnum er svarað eins fljótt og auðið er á opnunartíma skrifstofu.
Sjúkrasjóður
Sótt er um sjúkradagpeninga á Mínum síðum og er mikilvægt að hengja öll fylgigögn með umsókninni.
Ef sækja þarf um dánarbætur vegna félagsmanns er hægt að nálgast umsóknareyðublaðið hér. Skanna þarf inn umsókn og fylgigögn og senda á netfangið sjukrasjodur@vr.is. Hægt er að sækja um dánarbætur barna á Mínum síðum. Sjá nánari upplýsingar um dánarbætur hér.
Hægt er að koma til okkar pappírum, vottorðum og öðrum fylgigögnum með því að skanna þau inn og senda á sjukrasjodur@vr.is.
VR varasjóður og starfsmenntasjóðir
Á Mínum síðum sækir þú rafrænt um í VR varasjóð og starfsmenntasjóði.
- Hér getur þú séð allar nánari upplýsingar um VR varasjóð og hvaða gögn þurfa að fylgja með umsókn.
- Hér getur þú séð allar nánari upplýsingar um starfsmenntasjóðina og hvaða gögn þurfa að fylgja með umsókn.
Kjaramál
Hægt er að hafa samband við ráðgjafa kjaramálasviðs í síma 510 1700. Einnig er hægt að senda tölvupóst á netfangið kjaramal@vr.is.
Orlofshús
Á Mínum síðum er hægt að skoða og bóka orlofshús á orlofsvef félagsins. Fyrirspurnir má senda á netfangið orlofshus@vr.is.
VIRK
Einstaklingar í þjónustu hjá VIRK geta áfram haft samskipti við sinn ráðgjafa hjá VR í gegnum fjarþjónustu. Öll viðtöl fara einnig fram í gegnum fjarþjónustu á meðan skrifstofan er lokuð.
