Athugið að þessi frétt er meira en ársgömul
Almennar fréttir - 12.01.2022
Hvaðan ertu? Rafrænn hádegisfyrirlestur
VR býður upp á rafrænan hádegisfyrirlestur kl. 12:00 á morgun, fimmtudaginn 13. janúar. Í þessu fræðsluerindi verður fjallað um kynþáttahyggju og menningarfordóma í íslensku samfélagi. Farið verður yfir hugtök eins og rasisma, kynþáttahyggju, menningarfordóma, öráreitni og forréttindi og þau sett í samhengi við raunveruleika fólks af erlendum uppruna á Íslandi.
Fyrirlesarar eru þær Chanel Björk Sturludóttir, umsjónarkona Mannflórunnar og BA í alþjóðlegri fjölmiðla- og samskiptafræði og Miriam Petra Ómarsdóttir Awad, verkefnastýra hjá Rannís og M.A. í hnattrænum tengslum.
Fyrirlesturinn verður sendur út í beinni og hægt verður að senda inn fyrirspurnir og spurningar.
