EN
0 niðurstöður
Leit

Vinsælar leitir

Gagnlegar síður

Leit að „“ - 0 niðurstöður
Sjá allar 0 niðurstöður

Lykilþættirnir níu

Í könnun VR á Fyrirtæki ársins er spurt um viðhorf til níu lykilþátta í innra starfsumhverfi fyrirtækja og má sjá þróun þeirra í töflunni hér að neðan. Gefin er einkunn fyrir hvern lykilþátt, frá einum og upp í fimm, og saman mynda þær heildareinkunn, annars vegar þeirra fyrirtækja sem birt eru á listum og svo heildareinkunn allra svarenda í könnuninni. Vægi þáttanna í heildareinkunn er misjafnt, stjórnun fyrirtækisins vegur þyngst (sjá umfjöllun um framkvæmdina). 

Lykilþættirnir níu

Stjórnun

Telja starfsmenn að vinnustaðnum sé vel stjórnað og bera þeir traust til yfirmanna?

Starfsandi

Hvernig kemur starfsmönnum saman við aðra á vinnustaðnum?

Launakjör

Eru starfsmenn sáttir við laun sín?

Vinnuaðstaðan

Öryggi, tækni, lýsing, hljóðvist, matar- og kaffiaðstaða o.s.frv.

Sveigjanleiki

Svigrúm til að taka frí, útrétta og samræma vinnu og fjölskyldulíf.

Sjálfstæði í starfi

Frumkvæði í starfi, yfirsýn, markmið og sjálfstraust.

Ímynd fyrirtækisins

Upplifun starfsmanna af almennri umræðu um fyrirtækið.

Ánægja og stolt

Eru starfsmenn stoltir af vinnustaðnum og líður þeim vel í vinnunni?

Jafnrétti

Hafa allir jöfn tækifæri, óháð aldri, kyni, uppruna, kynhneigð, trúar- eða lífsskoðunum?

Heildareinkunnin sýnir viðhorf starfsmanna almennt til sinna vinnustaða. Heildareinkunn er lægst hjá fyrirtækjum í samgöngum og flutningum en hæst hjá fyrirtækjum í séhæfðri þjónustu. Hún er hæst hjá minnstu fyrirtækjunum en lægst hjá þeim allra stærstu, þar sem starfsmenn eru yfir 150 talsins.

Almennt er ekki mikil breyting á einkunnum lykilþátta milli ára. Þó er áhugavert að einkunn fyrir launakjör í ár er sú hæsta sem mælst hefur frá árinu 2009 en það ár, rétt eftir hrun, mældust allir þættir mun hærri en árin fyrir hrun. Þá er viðhorf til lykilþáttanna mjög mismunandi eftir starfsheiti og atvinnugrein. Almennt eru stjórnendur ánægðari en aðrir starfsmenn með nánast alla lykilþætti, nema þegar kemur að ánægju með sveigjanleika vinnunnar. Starfmenn við akstur, lager og framleiðslu eru óánægðari en aðrir hvað flesta lykilþætti varðar. Þessi munur milli viðhorfa starfsstétta og eftir atvinnugreinum hefur litið breyst undanfarin ár.

Hér að neðan má sjá þróun einkunna frá árinu 2011. Athugið að þessar einkunnir byggja á svörum allra þeirra sem tóku þátt í könnuninni, ekki einungis þeirra fyrirtækja sem náðu inn á lista. Hér er því um að ræða svör rúmlega tólf þúsund manna á almennum vinnumarkaði. Jafnrétti var fyrst mælt sem lykilþáttur árið 2016 og hefur hækkað jafnt og þétt síðan. Einkunn fyrir vinnuskilyrði sveiflast mest á tímabilinu sem hér er sýnt og ímynd fyrirtækja tekur einnig nokkrum breytingum milli ára. 

  2011 2012 2013 2014 2015 2016 2017 2018 2019 2020
Heildareinkunn 4,05 4,07 4,07 4,07 4,09 4,10 4,14 4,12  4,18 4,18
Stjórnun  4,02 4,01 4,03 4,03 4,05 4,12 4,16 4,12  4,21 4,20
Starfsandi 4,32 4,32 4,31 4,32 4,33 4,32 4,35 4,32  4,36 4,35
Launakjör 3,16 3,19 3,20 3,20 3,20 3,28 3,31 3,30  3,36 3,40
Vinnuskilyrði 4,03 4,02 4,03 4,04 4,03 3,94  4,00 3,98  4,06 4,04
Sveigjanleiki vinnu 4,26 4,36 4,36 4,36 4,36 4,33 4,38 4,36  4,40 4,39
Sjálfstæði í starfi 4,33 4,31 4,30 4,32 4,32 4,31 4,32 4,29  4,32 4,34
Ímynd fyrirtækis 4,06 4,09 4,15 4,15 4,18  4,19 4,21 4,17  4,24 4,27
Ánægja & stolt 4,22 4,22 4,21 4,21 4,22 4,23 4,26 4,21  4,28 4,29
Jafnrétti           4,16 4,22 4,28  4,38 4,36

 

Þættirnir sem mynda mælingu á Fyrirtæki ársins 2020

  • Stjórnun

    • Ég fæ stuðning og hvatningu frá næsta yfirmanni mínum.
    • Næsti yfirmaður minn virðir starfsfólkið mikils.
    • Næsti yfirmaður minn er sanngjarn við starfsfólk.
    • Ég get leitað til næsta yfirmanns míns ef ég þarf á því að halda.
    • Næsti yfirmaður minn sér um að ég hafi möguleika til að þroska hæfileika mína.
    • Næsti yfirmaður minn bætir starfsaðstæður þegar þörf er á.
    • Það er skýrt til hvers næsti yfirmaður minn ætlast til af mér.
    • Á mínum vinnustað er starfsfólki hrósað þegar það stendur sig vel.
    • Hversu vel eða illa telur þú að þínum vinnustað sé stjórnað?
    • Ég ber fullt traust til stjórnenda fyrirtækisins.

  • Starfsandi

    • Mér finnst starfsandinn venjulega vera afslappaður og óþvingaður.
    • Samskipti eru opin og hispurslaus meðal samstarfsfólks míns.
    • Mér kemur vel saman við samstarfsfólk mitt.

  • Launakjör

    • Ánægja með launakjör.
    • Laun starfsfólks stofnunarinnar eru ákveðin af sanngirni.
    • Telur þú vinnuveitanda þinn veita betri, svipuð eða verri launakjör en gert er á öðrum sambærilegum vinnustöðum?

  • Vinnuskilyrði

    • Ánægja með vinnuaðstöðu, þ.e. vinnu- eða skrifstofurými.
    • Ánægja með lýsingu.
    • Ánægja með loftræstingu.
    • Ánægja með hljóðvist (ánægja eða óánægja með hljóð í rýminu).
    • Ánægja með matar- og kaffiaðstöðu.
    • Ánægja með öryggi á vinnustað.
    • Ánægja með tölvu- og tækjabúnað.
    • Ég get farið úr vinnu með litlum fyrirvara til að sinna aðkallandi erindum í einkalífi mínu.
    • Ég hef svigrúm til að útrétta í vinnutímanum þegar nauðsyn krefur.
    • Ertu ánægð(ur) eða óánægð(ur) með þann sveigjanleika sem þú hefur í vinnunni?
    • Ég á auðvelt með að samræma vinnu og fjölskyldulíf.
    • Ég á auðvelt með að taka sumarfrí/önnur frí á þeim tíma sem mér hentar.

  • Sjálfstæði í starfi

    • Mér finnst ég hafa góð tök á öllum þáttum starfs míns.
    • Mér finnst ég hafa næga yfirsýn yfir alla þá þætti sem krafist er af mér í starfi.
    • Markmiðin með starfi mínu eru skýr.
    • Þegar á heildina er litið hef ég mikil áhrif á hvernig starf mitt er unnið.

  • Ímynd fyrirtækis

    • Þegar fyrirtækið sem ég starfa hjá ber á góma er sú umræða yfirleitt vinsamleg.
    • Þegar á heildina er litið hafa viðskiptavinir jákvæða afstöðu til fyrirtækisins.
    • Þegar á heildina er litið er fyrirtækið sem ég starfa hjá talin vera mjög traust.

  • Ánægja og stolt

    • Á heildina litið er ég ánægð(ur) í starfi mínu.
    • Á heildina litið líður mér vel í starfi mínu.
    • Ég get mælt með vinnustaðnum sem góðum vinnustað við vini mína.
    • Ég er stolt(ur) af fyrirtækinu sem ég starfa hjá.
    • Á mínum vinnustað er lögð áhersla á jafnrétti kynjanna.
    • Á mínum vinnustað er skýr stefna um jafnrétti kynja.
    • Á mínum vinnustað finnst mér karlar og konur fá sömu tækifæri til starfsframa.
    • Á mínum vinnustað rr fólki ekki mismunað (t.d. eftir aldri, kyni, uppruna, kynhneigð eða trúar- eða lífsskoðun).
    • Á mínum vinnustað starfar fjölbreyttur hópur einstaklinga (t.d. hvað varðar aldur, kyn, uppruna, kynhneigð eða trúar- eða lífsskoðun).
    • Á mínum vinnustað eru bæði konur og karlar í ábyrgðarstöðum.

Happdrættið

Vinningsnúmerin eru:
100534, 100567, 100792, 101559, 101612, 102687, 103675, 103787, 103889, 103986, 105232, 106945, 107124, 108129, 110307, 110648, 111221, 112786, 113078, 114331, 116427, 117187, 117439, 121026, 121217, 121810, 122339, 122375, 122436, 122961, 123499, 123919, 124161, 125008, 125009, 125481, 125753, 125948, 126096, 126853, 127417, 127739, 128944, 129198, 129729, 129837, 130001, 130061, 130321, 130766, 133951, 136398, 136499, 137504, 138890 og 140087

Fyrirtæki ársins 2020

Fyrirtæki ársins 2020 eru fimmtán talsins, fimm í hverjum stærðarflokki. Þau eru birt hér í stafrófsröð en til að sjá nánari upplýsingar um hvert fyrirtæki, smelltu á vörumerkið. Athugið að einungis fyrirtæki sem tryggðu öllum starfsmönnum sínum rétt til þátttöku í könnuninni koma til greina í valinu á Fyrirtæki ársins eða Fyrirmyndarfyrirtæki. Öll umfjöllun um fyrirtækin miðar við þau fyrirtæki.

Fyrirmyndarfyrirtæki

Fyrirtækin í fimmtán efstu sætunum í hverjum stærðarflokki fá viðurkenninguna fyrirmyndarfyrirtæki og er ástæða til að vekja sérstaka athygli á frammistöðu þeirra. Mörg þessara fyrirtækja eru ofarlega á lista ár eftir ár, hvernig sem gengur, sem ber vott um öfluga mannauðsstjórnun.

Listi yfir fyrirtæki 2020

Hér er hægt að sjá stöðu einstakra fyrirtækja í hópi stærri fyrirtækja þar sem starfsmenn eru 70 eða fleiri, í hópi meðalstórra fyrirtækja þar sem starfsmenn eru 30 til 69 talsins eða í hópi lítilla fyrirtækja þar sem starfsmenn eru færri en 30. Hægt er að velja atvinnugrein og sjá stöðu fyrirtækja innan þeirrar greinar eða raða eftir einkunnum.

Allir geta verið með

Á listum yfir Fyrirtæki ársins 2020 eru 130 fyrirtæki sem eru stjörnumerkt. Þessi merking þýðir að fyrirtækið hafi tryggt öllum starfsmönnum sínum þátttökurétt í könnuninni, óháð því hvort viðkomandi starfsmaður er í VR eða ekki. Þetta er 72% af fjölda fyrirtækja sem komst á lista.

Lykilþættirnir níu

Í könnun VR er spurt um viðhorf til helstu lykilþátta í starfsumhverfi fyrirtækja. Þessir þættir eru stjórnun, starfsandi, launakjör, vinnuskilyrði, sveigjanleiki vinnu, sjálfstæði í starfi, ímynd fyrirtækis, jafnrétti og ánægja og stolt af fyrirtæki. Einkunnir fyrir lykilþættina mynda heildareinkunn fyrirtækis. Hæsta einkunn er fimm og á það bæði við um heildareinkunn og lykilþætti.

Framkvæmdin

Könnun VR á Fyrirtæki ársins 2020 náði til 36 þúsund starfsmanna á almennum vinnumarkaði, bæði félagsmanna VR sem og fjölda annarra starfsmanna fyrirtækja sem tryggðu öllum starfsmönnum sínum rétt til þátttöku í könnuninni. Könnunin var rafræn, á þremur tungumálum, íslensku, ensku og pólsku. Alls bárust um fjórtán þúsund svör.