Fyrirmyndarfyrirtæki

Fyrirtæki ársins 2019

Fimmtán fyrirtæki fá titilinn Fyrirtæki ársins 2019, fimm í hverjum stærðarflokki. Eingöngu fyrirtæki sem tryggðu öllum starfsmönnum sínum þátttökurétt í könnuninni, óháð stéttarfélagsaðild þeirra, komu til greina við valið á Fyrirtæki ársins. Í ár eru það alls 114 fyrirtæki.

Fyrirmyndarfyrirtæki

Fyrirtækin í fimmtán efstu sætunum í hverjum stærðarflokki fá viðurkenninguna fyrirmyndarfyrirtæki og er ástæða til að vekja sérstaka athygli á frammistöðu þeirra. Mörg þessara fyrirtækja eru ofarlega á lista ár eftir ár, hvernig sem gengur, sem ber vott um öfluga mannauðsstjórnun.

Listi yfir fyrirtæki 2019

Hér er hægt að sjá stöðu einstakra fyrirtækja í hópi stærri fyrirtækja þar sem starfsmenn eru 70 eða fleiri, í hópi meðalstórra fyrirtækja þar sem starfsmenn eru 30 til 69 talsins eða í hópi lítilla fyrirtækja þar sem starfsmenn eru færri en 30. Hægt er að velja atvinnugrein og sjá stöðu fyrirtækja innan þeirrar greinar eða raða eftir einkunnum.

Allir geta verið með

Lykilþættirnir níu

Í könnun VR er spurt um viðhorf til helstu lykilþátta í starfsumhverfi fyrirtækja. Þessir þættir eru stjórnun, starfsandi, launakjör, vinnuskilyrði, sveigjanleiki vinnu, sjálfstæði í starfi, ímynd fyrirtækis, jafnrétti og ánægja og stolt af fyrirtæki. Einkunnir fyrir lykilþættina mynda heildareinkunn fyrirtækis. Hæsta einkunn er fimm og á það bæði við um heildareinkunn og lykilþætti.

Framkvæmdin

Könnun VR á Fyrirtæki ársins 2019 náði til 34 þúsund starfsmanna á almennum vinnumarkaði, bæði félagsmanna VR sem og fjölda annarra starfsmanna fyrirtækja sem tryggðu öllum starfsmönnum sínum rétt til þátttöku í könnuninni. Könnunin var rafræn eingöngu á þremur tungumálum, íslensku, ensku og pólsku. Alls bárust rúmlega tólf þúsund svör.