Tjaldsvæði VR

Félagsmönnum VR stendur til boða glæsilegt tjaldsvæði í orlofsbyggð félagsins í Miðhúsaskógi í Bláskógabyggð. Á svæðinu er mjög góð aðstaða fyrir tjöld, húsbíla og fellihýsi.

Þar er myndarlegt þjónustuhús með grillaðstöðu og vöskum, salernum, sturtum og þvottavél til afnota fyrir gesti.

Gert er ráð fyrir plássi fyrir um 40 - 50 ferðavagna og bíla með aðgangi að rafmagni á hagstæðu verði. Á svæðinu er umsjónaraðili sem annast eftirlit.

Verð sumarið 2018

Athugið að verð hér að neðan miðar við eina nótt fyrir félagsmann, maka hans og börn, nema annað sé tekið fram.

  Félagsmaður Maki Börn 12 ára og yngri Börn eldri en 12 ára Gestur
Tjaldsvæði kr. 600 kr. 600 0 kr. 600 kr. 1100
Rafmagn kr. 500       kr. 700

Aldurstakmark á tjaldsvæðinu fyrir þá sem ferðast einir er 20 ár, miðað er við árið sem félagsmaður verður 21 árs.

Athugið: Reglur varðandi hundahald á tjaldsvæðinu: Lausaganga hunda er bönnuð, eigendur skulu þrífa upp eftir sína hunda. Hundar mega ekki valda öðrum gestum ónæði og ró þarf að vera á svæðinu frá miðnætti til morguns.

Brot á reglum getur valdið brottrekstri af svæðinu.

Athugið

Ekki er hægt að panta pláss á svæðinu á vef VR eða á skrifstofum félagsins, félagsmenn verða að mæta á svæðið og gefa upp kennitölu hjá umsjónarmanni. Ekki er tekið við peningum í sumar, heldur eingöngu kortum.

Leikaðstaða er inni á svæðinu sjálfu en auk þess er leiksvæði fyrir börnin á orlofshúsasvæðinu í Miðhúsum þar sem er m.a. hlaupaköttur, trampólín, frisbígolfvöllur og minigolf. Skemmtilegar gönguleiðir eru hvarvetna í Miðhúsaskógi.

Svæðið er aðeins ætlað VR félögum og fjölskyldum þeirra en félagsmenn geta boðið gesti/gestum til að dvelja með sér á tjaldsvæðinu, þó aldrei meira en sem samsvarar einu tjaldstæði. Heimilt er að hafa gæludýr á tjaldsvæðinu. Hámarksdvöl á tjaldsvæðinu er tvær vikur.

VR félagar geta tekið á leigu tjaldvagna, fellihýsi eða hjólhýsi af viðurkenndum leiguaðilum og fengið niðurgreiðslu frá VR gegn framvísun kvittunar. Niðurgreiðslan er 5.000 kr. pr. nótt en þó að hámarki sex nætur fyrir hvert orlofstímabil. Greitt er eftir að dvöl lýkur gegn fullri greiðslu fyrir vagninn, leigutímabil þarf að koma fram á kvittun.

Nánar um orlofsmál VR